Сигурно безброј пати сте користеле 
 мицеларна вода за да го исчистите 
 лицето и да ја отстраните шминката, 
 бидејќи е нежна за кожата, лесна за 
 употреба и пред се исклучително ефикасна. 
 А дали некогаш сте се запрашале што е 
 мицеларна вода, како функционира, 
 кои се нејзините придобивки и која е 
 најдобрата на пазарот? 

 Мицеларната вода е раствор на 
 вода и растворувачи од групата на 
 гликоли, а уникатната формула со 
 мицели ја прави целосно уникатен 
 производ на пазарот. Мицелата е 
 сложен, нејонски сурфактант 
 (средство за перење), сферична форма, 
 со два пола, од кои едниот е 
 хидрофилен и се раствора во вода, 
 а другиот е липофилен и ги привлекува 
 сите масни материи. Дејството на мицеларната вода се 
 заснова на овој принцип: 
 привлекува нечистотии од секаков вид, 
 ги врзува и ги отстранува од кожата. 
 Затоа е најефективното средство за 
 чистење на лицето, вадење шминка и 
 отстранување на сите нечистотии кои 
 се врзуваат за кожата во текот на 
 денот од надворешната средина. 

 Мицеларната вода за чувствителна кожа 
 е формулирана како производ 3 во 1 - 
 ефикасно средство за чистење на кожата, 
 отстранувач на шминка и смирувачки тонер. 
 Благата формула базирана на екстракт од 
 црвени алги ја смирува кожата, 
 го намалува чувството 
 на затегнатост и непријатност, 
 правејќи ја кожата мазна и мека, 
 не оставајќи мрсни остатоци.